الأحد، 14 فبراير 2010

أنا مش بتاعت حد؟


أتصلت بى صديقتى كى نتجول اليوم بين مولات القاهره لشراء بعض المستلزمات وقررنا التسوق من سيتى ستارز مول , وجدنا تكادس وتزاحم على محلات الهدايا من اجل عيد الحب الشهير , غلب اللون الأحمر على كل شئ , لا تقع عينك على شخص الا ووجدت بيداه لفه أنيقه أو صندوق مزين بالاحمر مما يدل على وجود هديه ما بداخله , وألتفت لصديقتى للتعليق على ما نرى فما وجدت الا عينان لا تختلف كثيرا عن اللون الاحمر الذى يطغى على كل شئ فى هذا اليوم , عينان حمراويتان فهى دلاله بالغه على الحزن الشديد او ربما الحسرة على شئ ما او سجن الدموع داخل الجفون , وقالت لى فى صوت مرتعش ملئ بالالم ( معنديش حد يشاركنى عيد الحب) فسألتها ليه ؟؟ أجابت ( أنا مش بتاعت حد) رنت الكلمه بداخلى وكان لها صدى فى نفسى وأستشعرت حينها أن هذه الجمله تحمل الكثير والكثير من المعانى , فتحت لها حضنى وبدأت تسترسل فقالت
أنا أحببت ولم أجد من يحبنى , أنا قدمت الهدايا ولم اتهادى فى يوم ما , انا احمل الحب الصادق لكل من حولى ولم أشعر بنفس المشاعر , نفسى أكون جزء مهم من كيان رجل, نفسى أكتسب حقا فى شخص ما حق فى مداعبتى وتدليلى ومفاجأتى وتبصيرى بالصواب والخطأ والوقوف بجانبى وقت المخاطر والازمات , حق فى حمايتى والتضحيه من أجلى , نفسى أحمل لقب رجل فى آخر أسمى , نفسى أجد من يغار على بجد مش تمثيل , نفسى أجد حضن حقيقى, نفسى فى من يربى لى أنوثتى ويشعرنى بكيانى كأنثى , نفسى يرن تليفونى لاجد من يقول وحشتينى حبيبتى , نفسى فى رساله من رسائل عيد الحب وكرت ودبدوب أحمر , نفسى حد يخاف على ويقلق على ويسمعنى كلام حلو , نفسى فى أنيس وونيس , نفسى أبكى على صدر حد , نفسى أكون مهمه عند حد , نفسى أكون أساسيه ومن أولويات حد , نفسى أكون بتاعت حد
حينها لم أجد ما أقول غير : ليس كل ما يتمناه المرء يدركه وعلى فكره أنا كمان مش بتاعت حد

شيماء الجمال

هناك 9 تعليقات:

V.Hayat يقول...

انا واعتقد اول من قال هابى فالنتين فى الميل وحلو ان يبقى الانسان مش بتاع حد

تحياتى

elsha3er يقول...

السلام عليكم

مش لازم نكون بتوع حد عشان نحب مش لازم نزعل لو للحظة عشان مافيش حد جنبنا لو حندور اكيد حنلاقى حد بيحبنا بجد

ودايما اللى جاى احسن ولسة النصيب ماجاش


تقبلى

تحياتى

احمد الشاعر

elsha3er يقول...

وعلى فكرة انا ضد بتاعت حد لان الحب مش امتلاك لكنه مشاركة

السر يقول...

الحب هو عطاء بلا حدود ولا يقف عند أفق كل منا .. فهو بحر من المشاعر لا نهاية له ..

عيد حب سعيد

شيماء الجمال يقول...

أهلا بالشاعر وخلينا اقولك ان الست تعتز قوى بنفسها لما تحس انها بتاعت حد يعنى جزء منهزيها زى معدته ايده ظهره قلبه كليته قفاه حتى مش مهم المهم انها جزء منه
تحياتى
شيماء الجمال

شيماء الجمال يقول...

السر
انت ليه دايما علينا سر ؟؟؟؟؟؟؟
عموما اشكرك على المرور الطيب وعلى التعليق والكلمات الرقيقه
تحياتى
شيماء الجمال

شيماء الجمال يقول...

اما بقى حياه
القول يختلف عن القول والوحيد اللى هيفهم الكلام ده هو انت
هلا بيبو دايماوميرسى على الرساله مع انها رساله لكل البشر

noura يقول...

انا معجبة جدا ب(انا مش بتاعة حد),هو حلو إن الأنسان يكون مش بتاع حد بس الأحلى من وجهة نظرى إن يكون فى حد أنا اكون بتاعتة.....

شيماء الجمال يقول...

هلا نورا منوانى دايما , وعايزه اقولك من السعاده أن تكونى بتاعت حد ويكون عندك كمان حد بتاعك وربنا يوعدنا
تحياتى ايتها الرقيقه
شيماء الجمال