السبت، 15 أغسطس، 2009

أشهر الجمل بين الرجل والمرأه منذ التعارف

موضوع شيق أن تتحدث فيما يخص الرجل والمرأه وما بينهما وماده غنيه جدا ومثيره , الآن دعونا نذكر اشهر العبارات والجمل المتعارف عليها بين الرجل والمرأه من بدايه التعارف الى لحظه الاعتراف بالحب الى الزواج الى ما بعد الزواج والآن سنذكر العبارات الشهيره وقت بدايه التعارف وقبل التصريح المباشر بالحب
فبدايه التعارف تجد كل طرف يحاول إظهار الاهتمام الشديد بالاخر حتى لو كان اهتمام زائف وهو بالغالب يكون كذلك كما يحاول كل طرف اظهار محاسنه المستعاره للاخر والتركيز عليها واظهار المثاليه فى كل شئ ومحاوله اقناع كل منهم للار ان بينهم توافق شديد وكبير فى كل الاشياء ولهذه المرحله عباراتها الشهيره فتجد الحوار كالتالى ....
الفتاه: أنت برجك أيه؟
الشاب: برج العقرب (مثلا)
الفتاه: بجد؟ تعرف انه متوافق تماما مع برجى ؟
الشاب: وانتى برجك أيه؟
الفتاه: الجوزاء
علما بأن البرجين غير متوافقين وقد لا يكون الاثنين لا يعلمون اصلا اى شئ عن الابراج
الشاب: أكلتى كويس؟
الفتاه: لاء والله ماليش نفس خالص ..مش عارفه ليه
الشاب: لو سمحتى تاكلى كويس ولو ما كلتيش هزعل منك جدا
الفتاه: طيب انت كمان لازم تاكل كويس ولو ما كلتش مش هاكل خالص لحد ما اموت من الجوع
طبعا كلا منهم بيقول الكلام ده وهو بطنه هتفرقع من الاكل والحش طول النهار
وتجد الفتاه ليلا على الهاتف تساله
الفتاه: أنت هتنام
الشاب: ايوه
الفتاه: طيب خلى بالك من نفسك
ومش عارفه يخلى باله من نفسه ازاى وهو نايم؟ وعلى سريره وفى بيته ؟ يعنى فى منتهى الامان بس برضوه كلام فى منتهى الهبل
الشاب: أنتى لابسه ايه دلوقتى؟
الفتاه: بيبى دول اسود
الشاب: واوووووووووو
طبعا هى بتقول كده وهى بالبيجامه الكستور وشعرها منكوش
الفتاه: لا اله الا الله
الشاب محمد رسول الله
وعندما ياتى الصباح لابد من عمل مكالمه تليفونيه من على السرير تحاول الفتاه ترقيق صوتها فى هذه المكالمه بقدر الامكان وخفت الصوت الى ادنى مستوياته وتبدأ الحوار
الفتاه: صباح الخير
الشاب: صباح العسل
الفتاه: أنا حلمت بيك امبارح
الشاب: وأنا كمان
وتجد من العبارات الشهيره للرجل ايضا
مينفعش اللبس ده....مفيش تاخير بره البيت.....كلمينى اول ما توصلى ....أنتى اول حب فى حياتى....عرفت بنات كتير بس ما حبيت غيرك....لو لفيتى الدنيا بحالها مش هتلاقى حد يحبك قدى.....نفسى يتقفل علينا باب واحد....يااااااااااااااه أمتى بقى نتجوز...نفسى أشوف ابن لى منك وياخد حنيتك.....عارفه شكلك احلى كتير من غير مكياج
وأمن اشهر العبارات للفتاه ايضا
أنت اول تجربه فى حياتى.....أنا جالى عريس النهارده واهلى ضاغطين على....أنا بحب الورد والشموع قوى قوى....أنا بحب الاطفال قوى ....نفسى اخلف ولد يكون شبهك واسميه على اسمك.....نفسى أعملك الأكل بايدى وأكلك بأيدى...أنت عارف أن مواصفاتك هى كل ماصفات فتى أحلامى؟
ها هى ما اتذكرها الان والموضوع مفتوح من عنده المزيد فليزيدنا
ارجو من الجميع ان يضيف ما هى اشهر العبارات المتكرره بين الرجل والمراه
شيماء الجمال

الجمعة، 14 أغسطس، 2009

ليله إمرأه عاصفه


أكتب الآن وأنا على شاطئ البحر , بحر الإسكندريه والساعه فى يدى تقترب من الخامسه صباحا , ووجدت إحساس يقفز من داخلى ليحطم ضلوعى ..يتملكنى فأنا الآن أمام أمواج متلاطمه. شديده. سريعه. متلاحقه لا تعرف الملل ولا الاستسلام , متتابعه ليس لها نهايه
وجدتنى فى حضن هذه الامواج ..أصارعها من اجل البقاء , واستجمع كل قوايا البدنيه والنفسيه والعقليه
وبكل ما آتانى الله به من قوه بدات رحله المقاومه ولا امل لى فى الاستسلام فانا لست وحدى بل احمل على ظهرى أولادى الثلاث
بدات الامواج العنيفه تلاحقنى واحده تلو الاخرى وانا صامده تماما أحمل اولادى بقوه فامومتى اقوى من كل امواج البحار
وطال الوقت ومرت الايام والليالى وبدا مجهودى يقل ويضعف وبدات ألتفت يمينا ويسارا املا ان يجد برا او قارب للنجاه
وهنا كانت المفاجأه... فلقد تيقنت من ثلاث حقائق
الاولى ان الامواج لن تتوقف ولن تكل ولن تمل ولن تسكن ولو دقيقه واحده حتى استطيع ان التقط انفاسى وانزل بحمولتى من فوق ظهرى لارتاح قليلا
والثانيه ان هذا البحر ليس له بر ولا مرسى وليست لنا من نهايه حينها احسست بالتعب والارهاق وبدات ذراعى تؤلمنى ..بدات كل قوايا فى الانهيار ...تحسست اولادى فوق ظهرى وامعنت النظر فيهم وهمهمت لنفسى قائله: من ينجينى واولادى فى وسط بحر غادر ليس له امان , ثم نظرت الى السماء وهنا اكتشفت الحقيقه الثالثه والاهم ألا وهى اننا اينما كنا فلنا الله رب العرش يحمينا وينجينا
وهنا واخيرا التقطت انفاسى ...خاشعه الى السماء قائله
اللهم انت ولينا عليك توكلنا واليك انبنا واليك المصير
شيماء الجمال