الأربعاء، 10 ديسمبر 2014

ملعون

ملعونه دي زكريات

ملعونه كل الحاجات
ملعون قلبي اللي حبك 
ملعون قلمي انه كتبلك 
ملعون مرار الألم 
ملعون تكرار الندم 
ملعون الورد وعبيره 
ملعون الحب وعبيده 
ملعون اليوم اللي جابك 
ونور عيني اللي شافك 
ملعون كتفي اللي شالك 
وظهري اللي انحنالك 
ملعون غدرك..
في كل كتاب وكل دين 
ملعون وعدك..
بأنك راجل..وأنك أمين 
وأنا اللي رويتك فرح 
وحصدت طرح حزين 
أنا اللي أديتك عمر 
وأنت بعته لمين ؟ 
شيماء الجمال

الأحد، 8 يونيو 2014

بندم

بندم علي عمر فات
بندم علي حب مات
بندم عل الجدعنه
وعل الصحبه والأنتمه
بندم ع الطيبه
والبسمه العبيطة
بندم أني صدقتك
وأندم إني عرفتك
علمتني معني الندم
دوقتني طعم الألم
وسرقت مني الأمل
وهقلع فستان الصبر
وأدفن قلبي ف قبر
ولا إنك ترجع تاني
تسرق مني زماني
ملعونه دي زكريات
ملعونه كل الحاجات
ملعون قلبي انه حبك
ملعون قلمي انه كتبلك
انت ياللي حبيبي ..سميتك
وف نن عيني .. حطيتك
واخدت من عمري .. واديتك
وبنيت بين ضلوعي .. بيتك
أنا اللي عملتك هرم
وانا اللي هديتك

شيماء الجمال

الأربعاء، 12 مارس 2014

العلوقيه

بعمل نفسي عايشه
وإني بخير وإني تمام

وبعمل مش واخده بالي
وأنه عاجبني حالي
بعمل إني مبسوطه
وأعمل صرختي زغروطه
لابسه نظاره ألوان
خايفه الحقيقه تبان
وأشوف حبيبي جبان
أنا بتلكك للفرح والسلام

بعمل نفسي قويه
وساعات جامده ومفتريه
بداري علي خيبتي القويه
ما هو لسه ف قلبي حنيه

ملعون أبوها دي حنيه
ملعون أبوها العلوقيه

شيماء الجمال

الجمعة، 9 أغسطس 2013

حاسه بنغزه

حاسه بنغزه في أم قلبي .... 
واما بتيجي قدام الناس بسرعه بخبي ... حاسه بضيقه م الوحشين ... 
اللي ضميرهم متمرمغ ف الطين ... 
حاسه بوكسه ... وآراء فاكسه ... 
انا مش لاقيه البني آدمين 
أختفوا ليه وآلاقيهم فين ... 
انا بس بدور ع الطيبين....
أهل الأرض ونبت الطين ...
بتوع ربنا وأهل الدين ...
هنا كل الناس مختلفين ...
دي عيون حاسدين ....
ودي صحاب خاينين ...
ودي أخوات متفرقين ....
وأب وأم مختلفين ... 
وبيت متشرد شمال ويمين ...
ودول باشوات  نصابين ... 
بيبيعوا الدم بقرشين ...
وكل الرجاله خاينين ..
 بدل الوش الف وألفين ..
وف كل كلامهم كدابين ..
لا لقيت في الدنيا حب .. 
ولا حتي ناس عيدلين ..
 شيماء الجمال



السبت، 13 يوليو 2013

نعم أعشقك بجنون

نعم أعشقك بجنون ...   
                                                                                                                                    نعم لغيرك لن أكون ...                                                                                                        
  نعم عبده في بلاطك ...                                                                                                                                                   
  نعم هائمه في غرامك ...                                                                                                                                      
 نعم انت عشق السنين ...                                                                                                                                       
  نعم لوجودك أدين ...                                                                                                                                                
  نعم تنفستك ...  أدمنتك ...                                                                                                                                         
  نعم هو أنا معبودتك ... ولكن !!!                                                                                                                                 
 حينما تعبث بقلبي وتستهين بعقلي ...                                                                                                                         
  وينفذ صبري وحلمي ...                                                                                                                                           
  وتستثير غيرتي وغلي  ...                                                                                                                                         
  فعليك ان تتحمل سمي من بعد عسلي ...                                                                                                                      
  وأن ترقد في جحيمي من بعد جنتي ...                                                                                                                                
   وأن ترحل بعيدا عني ...                                                                                                                                        
  و ان لا تتنفس هوائي ...                                                                                                                                       
      ولا تعيش تحت سمائي ...                                                                                                                                  
     وأن تطرد من محرابي ...                                                                                                                                       
 دعني أعترف لك يا حبيبي ...                                                                                                                                 
  أنه بدوني ليس لك من ولي ولا نصير ...                                                                                                                     
   وأنه لو أحبتك أجمل النساء آجمعين ....                                                                                   
                                    
 فأعلم أنني لست  مثلهن ...                                                                                                                                         
 فليست النساء كالحور العين ...                                                                                                                                 
  قد تحبك وتهيم بك غيري ...                                                                                                                                      
 ولكنها حتما لن تحبك مثلي ...                                                                                                                                       
لا يغرنك بي الغرور ...                                                                                                                                         
سأقولها تكرار.                                                                                                                                                    
  أنا أرق من النسمات وأشرس من النسور ...                                                                                                                
    قلبي أســيـــر لديك ...                                                                                                                                                  
 و مفتاحه ليس ملك يديك ...                                                                                                                                               
 أعلم يا حبيبي أنه ...                                                                                                                                             
  حينما أحب أنا أحب بجنون ...                                                                                                                                
  وحينما يقابل الحب الغدر والمجون ...                                                                                                                        
    فيذهب الحب وكأنه لم يكون                                                                                                                                   
   شيماء الجمال

الجمعة، 28 يونيو 2013

أيوه أنا


ايوه انا مجنونه بيه ... ويشرفني أعيش العمر تحت رجليه ... وليل ونهار أوطي أبوس في إيديه  ... وأنام وأصحي محلمش غير بعنيه ... وأحن ليه .. وأدوب فيه .. وأغير عليه .. وأكتب ليه .. وأتمسح فيه ... وأحوم حواليه .. أيوه أنا           أيوه عشانه بعمل المحال ... وأقول في حقه اللي عمره ميتقال ... أيوه براحته .. يتعالي ويتبغدد ... ويؤمر ويتأمر ...ويقسي ويتجبر...  أيوه بسامحه لما يجي علي ... وعمري وروحي علشانه هديه ... أيوه أنا نفسي فداه ... ومليش في الدنيا سواه ... أيوه بيكدب وبصدقه ... أيوه بيظلم وأنا بنصره ... ولما يعصب أنا أهديه ... ولما بيزهق أنا أسليه ... ولما يأشر أجري عليه ... ولما بيزعل بتذل ليه .. تفتكروا ده ضعف ولا حبي ليه؟؟؟؟                                                                                                    شيماء الجمال

الثلاثاء، 22 مايو 2012

أنا ودميتى وزوجى

ظلت دميتى الصغيره ترافقنى يوم بعد يوم وصاحبتنى كثيرا كم من الليالى شديده البروده , كم مسحت دموعى وطببت آلامى وجراحى وآنست وحدتى وأستلقت بجوارى بدلا عن الوساده الخاليه , وكانت تعلم أنها مجرد بديل ربما استغنى عنه فى اى لحظه إذا ما وفقنى الله بشريك العمر , وجاء حبيب العمر ووشريك العمر وزوج العمر , هذا الحبيب الذى سينام جوارى ويأنس وحدتى ويحتوينى بكل ما تحتويه الكلمه من معنى , حينها أمسكت دميتى لاودعها , وكأن شيئا ما بداخلى يهمس فى آذانى ويقول لا تتخلصى منها فربما تحتاجين إليها يوما , فكرت للحظات وأنتهيت بالتفكير إلى أننى سأحتفظ بعا فى دولاب الزكربات , وبعد عده ليالى وجدتى أعود إلى دولاب زكرياتى ألتقط دميتى لتشاركنى سريرى , نعم لى زوج وحبيب يحبنى جما ولكنه لم يسكن إلى فلديه مكان آخر يسكن إليه كما اننى لدى دميتى التى تسكن لدى فكل منا عاد إلى ما كان عليه قبل الزواج ....

حينها تعلمت أن هناك فرق ما بين الزواج والسكن كما أن هناك فرق بين الحب وبين القدره على توصيل المعنى إلى من نحبه والفرق بينهما كما هو الفرق بين ال  b , p ...

 

شيماء الجمال