الجمعة، 11 نوفمبر 2011

علشان أعيش

لاموا على حزنى ودمعى 
بيقولوا مش من حقى
بيقولوا فرحتى كتير 
وحرام الفرح و تبزير 
ومرض الحب خطير 
عديتى سنين العمر 33 
وحبيتى مره ومرتين 
يبقى كفن القلب ملوش بديل 
رديت وقلت أبوكوا 
وأبو اللى جابكوا 
وحلمت من تانى 
عشق وأمانى 
غيره وتفانى
وعشت يومين 
هما بس اتنين 
ودعت احزانى 
وللشمتانين ....
طلعت لسانى 
وسديت ودانى 
وبسرعه ....
القدر صحانى 
صفعنى قلم 
ملانى ألم 
جرح وندم 
لقيت طريقى شوك ولغم 
بقى فستانى الابيض كفن 
والحلم قلب كابوس 
قتلنى بشكه دبوس 
بس سم الحب كان كتير 
وقتها عرفت انه خطير 
وافتكرت كلام الشمتانين 
طلعوا كلهم  ناصحين 
 حرمت وقلت آمين 
والنهارده حداد ..
على قلبى المسكين 
بس محدش يلوم على 
ولا يحبس دمعى بعنيه 
سيبونى براحتى 
سيبونى شويه 
علشان أعيش 


شيماء الجمال