السبت، 27 فبراير، 2010

هو مين فى دول؟




قولى يا قلمى وانت صاحبى دايما فى ألمى




هو مين فى دول ودول؟




هو السجان ولا السجين؟




بحبى فرحان ولا حزين؟




بيتمنانى ولا بس بيكمل نص دين؟


يا قلمى ما تخبى ولا تدارى ....طمنى وجاوب على سؤالى




وبلاش تكتب نهايه حزينه مأساويه




المره دى وبس أدينى الحب هديه




خلى جناين الامل تطرح فيا




مفيش دموع تانى ولا هسمح بهد كيانى




مره يا قلمى راضينى وأغرف من الحب وأدينى




وأكدب يا قلمى لو حسيت بخداع




أكدب وقولى أنه ما غدر وباع




أكدب وهسامحك




بس ما هسامحك لو جيت عليا




وزرعت اليأس والحزن بيا




وهعمل مش واخده بالى




انى بحبه وانه شاغل بالى




اياك يا قلم تبكينى تانى على حالى




يلا بعد الكلام جاوب على سؤالى




هو مين فى دول ولا دول؟




شيماء الجمال
























الخميس، 18 فبراير، 2010

حدوته واد عمى




رحت لبوى اشتكى همى ...




.قالى همى وقولى ايش بيكى يا بتى




قلت يا بوى بعد عنى ود عمى ...


.


عيقولى حديت عم يتعب قلبى




عم يتغزل بيه وعم بيداعب شعرى وخصرى وجسمى




وانا بستحى كالبنته وبحجب عنه عيونى بضافايرى




عم يتحدتت عن كسمى ورسمى وفصلى




وخجلانه اقول بيعشق خفه دمى




والله يا بوى خايفه يطير منى النوم ويلحس عقلى




لو نيته يخبص ما هديله الا باللى فى رجلى




ولو عيط عل الشيح مرزوق المأذون ....




وافق علطول واه ما هو بردوه واد عمى




وهو اولى من الغريب بلحمى ودمى




بس يا بوى اتجعص وأتأمر وغالى بمهرى




والشبكه خلاخل زى بتاع المرحومه امى




وقله يا بوى دى الموناليزا عزيزه واغلى ما عندى




وشويه شويه عليه أصله بيستحى يا نضرى




أها ...واعى يابوى لما نضرته حدانا بالدوار ....




وقتها قلت ألحقوا قلبى هيمرح رمح وعيكسر صدرى




دلوك برده يا بوى بعده عنى بعدان




خايفه حديته يطلع سم التعبان




دا قلبى مدفون ومعفر عفران




سامحنى يا بوى قلبى مسكين وعقلى خرفان




أصلى بصراحه خايفه واد عمى يطلع تعبان




وأهو كلام ود حديت ما هيقدم ولا عايزيد




وسيبها على الله كيف الله ما يعوز ويريد




شيماء الجمال






الأحد، 14 فبراير، 2010

أنا مش بتاعت حد؟


أتصلت بى صديقتى كى نتجول اليوم بين مولات القاهره لشراء بعض المستلزمات وقررنا التسوق من سيتى ستارز مول , وجدنا تكادس وتزاحم على محلات الهدايا من اجل عيد الحب الشهير , غلب اللون الأحمر على كل شئ , لا تقع عينك على شخص الا ووجدت بيداه لفه أنيقه أو صندوق مزين بالاحمر مما يدل على وجود هديه ما بداخله , وألتفت لصديقتى للتعليق على ما نرى فما وجدت الا عينان لا تختلف كثيرا عن اللون الاحمر الذى يطغى على كل شئ فى هذا اليوم , عينان حمراويتان فهى دلاله بالغه على الحزن الشديد او ربما الحسرة على شئ ما او سجن الدموع داخل الجفون , وقالت لى فى صوت مرتعش ملئ بالالم ( معنديش حد يشاركنى عيد الحب) فسألتها ليه ؟؟ أجابت ( أنا مش بتاعت حد) رنت الكلمه بداخلى وكان لها صدى فى نفسى وأستشعرت حينها أن هذه الجمله تحمل الكثير والكثير من المعانى , فتحت لها حضنى وبدأت تسترسل فقالت
أنا أحببت ولم أجد من يحبنى , أنا قدمت الهدايا ولم اتهادى فى يوم ما , انا احمل الحب الصادق لكل من حولى ولم أشعر بنفس المشاعر , نفسى أكون جزء مهم من كيان رجل, نفسى أكتسب حقا فى شخص ما حق فى مداعبتى وتدليلى ومفاجأتى وتبصيرى بالصواب والخطأ والوقوف بجانبى وقت المخاطر والازمات , حق فى حمايتى والتضحيه من أجلى , نفسى أحمل لقب رجل فى آخر أسمى , نفسى أجد من يغار على بجد مش تمثيل , نفسى أجد حضن حقيقى, نفسى فى من يربى لى أنوثتى ويشعرنى بكيانى كأنثى , نفسى يرن تليفونى لاجد من يقول وحشتينى حبيبتى , نفسى فى رساله من رسائل عيد الحب وكرت ودبدوب أحمر , نفسى حد يخاف على ويقلق على ويسمعنى كلام حلو , نفسى فى أنيس وونيس , نفسى أبكى على صدر حد , نفسى أكون مهمه عند حد , نفسى أكون أساسيه ومن أولويات حد , نفسى أكون بتاعت حد
حينها لم أجد ما أقول غير : ليس كل ما يتمناه المرء يدركه وعلى فكره أنا كمان مش بتاعت حد

شيماء الجمال