الخميس، 18 فبراير، 2010

حدوته واد عمى




رحت لبوى اشتكى همى ...




.قالى همى وقولى ايش بيكى يا بتى




قلت يا بوى بعد عنى ود عمى ...


.


عيقولى حديت عم يتعب قلبى




عم يتغزل بيه وعم بيداعب شعرى وخصرى وجسمى




وانا بستحى كالبنته وبحجب عنه عيونى بضافايرى




عم يتحدتت عن كسمى ورسمى وفصلى




وخجلانه اقول بيعشق خفه دمى




والله يا بوى خايفه يطير منى النوم ويلحس عقلى




لو نيته يخبص ما هديله الا باللى فى رجلى




ولو عيط عل الشيح مرزوق المأذون ....




وافق علطول واه ما هو بردوه واد عمى




وهو اولى من الغريب بلحمى ودمى




بس يا بوى اتجعص وأتأمر وغالى بمهرى




والشبكه خلاخل زى بتاع المرحومه امى




وقله يا بوى دى الموناليزا عزيزه واغلى ما عندى




وشويه شويه عليه أصله بيستحى يا نضرى




أها ...واعى يابوى لما نضرته حدانا بالدوار ....




وقتها قلت ألحقوا قلبى هيمرح رمح وعيكسر صدرى




دلوك برده يا بوى بعده عنى بعدان




خايفه حديته يطلع سم التعبان




دا قلبى مدفون ومعفر عفران




سامحنى يا بوى قلبى مسكين وعقلى خرفان




أصلى بصراحه خايفه واد عمى يطلع تعبان




وأهو كلام ود حديت ما هيقدم ولا عايزيد




وسيبها على الله كيف الله ما يعوز ويريد




شيماء الجمال






هناك 4 تعليقات:

sabry abo-omar يقول...

كلامك جميل وتصويرك للشخصيات كانك فعلا واحدة منهم .. عيشتى لحظة ممكن تعيشها انسانة فى المجتمع هناك وعبرتى عنها بسهولة وبساطة.. وفقك الله

شيماء الجمال يقول...

أشكرك صبرى جدا ودى اول مره اكتب بالصعيدى وليه الشرف طبعا واشكرك على اول تعليق عندى ودايما بيقبى له طابع خاص
تحياتى
شيماء الجمال

KeMoOo يقول...

ايه الجمال ده
اسلوبك بجد جميل
زجل صعيدي وبيرسم صورة بتحسسنا انك فعلا عشتي واتربيتي فالبيئة دي ، عشان كده وصلنا الاحساس بشكل مباشر.
تقبلي تحياتي على العمل الرائع ده ، ومروري على صفحتك الممبدعة .
دمتى بكل ود .

شيماء الجمال يقول...

كيمو بجد تحيه لكلماتك الرقيقه وخلينى اقولك انى ما عشت بالصعيد ولكنى حبيت اهل الصعيد بعاداتهم وصفاتهم وقيمهم ولغتهم وكل شئ بيهم وده نتيجه تاثرى بيهم
ونورت الصفحه واتمنى ان لا تكون الزياره الاخيره
تحياتى
شيماء الجمال