قولى يا قلمى وانت صاحبى دايما فى ألمى
هو مين فى دول ودول؟
هو السجان ولا السجين؟
بحبى فرحان ولا حزين؟
بيتمنانى ولا بس بيكمل نص دين؟
يا قلمى ما تخبى ولا تدارى ....طمنى وجاوب على سؤالى
وبلاش تكتب نهايه حزينه مأساويه
المره دى وبس أدينى الحب هديه
خلى جناين الامل تطرح فيا
مفيش دموع تانى ولا هسمح بهد كيانى
مره يا قلمى راضينى وأغرف من الحب وأدينى
وأكدب يا قلمى لو حسيت بخداع
أكدب وقولى أنه ما غدر وباع
أكدب وهسامحك
بس ما هسامحك لو جيت عليا
وزرعت اليأس والحزن بيا
وهعمل مش واخده بالى
انى بحبه وانه شاغل بالى
اياك يا قلم تبكينى تانى على حالى
يلا بعد الكلام جاوب على سؤالى
هو مين فى دول ولا دول؟
شيماء الجمال
هناك 4 تعليقات:
اسالى قلبك ولا تسالى القلم اكيد الجواب عنده
تحياتى
قلبى فى حبر قلمى
أشكرك ايهاب على المرور والتواصل
تحياتى
فلسفة وفكر فى كلمات عبرت عما يدور بالعقل والقلب والحوار بين الإنسان وذاته.. وفقك الله
أشكرك صبرى على الكلمات الرقيقه وعلى الحس الادبى وتحياتى لمرورك الكريم
إرسال تعليق