الجمعة، 28 يونيو 2013

أيوه أنا


ايوه انا مجنونه بيه ... ويشرفني أعيش العمر تحت رجليه ... وليل ونهار أوطي أبوس في إيديه  ... وأنام وأصحي محلمش غير بعنيه ... وأحن ليه .. وأدوب فيه .. وأغير عليه .. وأكتب ليه .. وأتمسح فيه ... وأحوم حواليه .. أيوه أنا           أيوه عشانه بعمل المحال ... وأقول في حقه اللي عمره ميتقال ... أيوه براحته .. يتعالي ويتبغدد ... ويؤمر ويتأمر ...ويقسي ويتجبر...  أيوه بسامحه لما يجي علي ... وعمري وروحي علشانه هديه ... أيوه أنا نفسي فداه ... ومليش في الدنيا سواه ... أيوه بيكدب وبصدقه ... أيوه بيظلم وأنا بنصره ... ولما يعصب أنا أهديه ... ولما بيزهق أنا أسليه ... ولما يأشر أجري عليه ... ولما بيزعل بتذل ليه .. تفتكروا ده ضعف ولا حبي ليه؟؟؟؟                                                                                                    شيماء الجمال

هناك 3 تعليقات:

الكاتبة والإعلامية فاطمة العبيدي يقول...

ده حب كبير ياريته يقدره ويحس بيه


تحياتي لحبك الكبير
ولقلمك وقلبك المخلص

شيماء الجمال يقول...

ياريت يا أستاذه فاطمه ياريت

شيماء الجمال يقول...

ياريت يا أستاذه فاطمه ياريت