الاثنين، 6 ديسمبر 2010

بنادى عليك

بنادى عليك وياريتك بتسمعنى ....
وبدور عليك مش لاقياك جنبى ....
وبقفل ودنى للى بيندهنى ...
ما انا مش عايز اسمع غير صوتك ومش عايزه غيرك جنبى 
هو انت ليه كده قسيت؟
مات قلبك وجفيت 
ولحبى خلاص نسيت 
دا انا فى هواك دبت واتمنيت 
وعشانك والله حفيت
وانت بعدت واستغنيت 
ورحت بعيد عنى وما جيت 
طب انا محتجالك دلوقتى ...
محتجالك تكون جانبى 
محتاجه حضنك مش هجرك 
محتاجه ايدك مش ظهرك 
محتاجه قربك مش صدك 
هتسيبنى بس لمين بعدك ؟؟
وأنت لا قبلك ولا زيك 
وانا كمان ادمنت هواك 
وعايشه عمرى بستناك 
مستنيه أحيا من تانى معاك 
انا ضعيفه هنا ولوحدى 
والزمن بيقطع من لحمى 
والدمعه محبوسه بجفنى 
عايزه احكيلك واشكيك همى 
عايزه اشكيلك من صاحبى 
اللى غدر بى وهنى
عايزاك تجبلى حقى م الى جرحنى 
اللى امنت بيه سنين وباعنى 
عايزه اقدمك ورده واعتذار
عايزه اقولك من تانى.... حبيبى
 وأغوص فى حضنك ...وتدفينى 
وتشيلنى من طينى ....وتجلينى 
وتبوس كل أركانى....وجبينى 
وتلفنى جوه عبايتك ....وتحمينى 
وتداوى كل أحزانى....وأنينى
وتوقف جنوح عقلى....وتهدينى
وتكمل معايا أيامى ....وسنينى 
نفسى قبل ما اموت أسمع صوتك ....
ينادينى 


شيماء الجمال












هناك 13 تعليقًا:

غير معرف يقول...

I do not know if one day a strong personality woman i guess may need a support from man, but my openion is , both genders are in need for each other whatever they are, whatever how much each one has some experience in his life,,coz one moment that strong man or woman he will be feeling by weakness and will feel that he need some one just to put his hand over his head,, you are absolutely right, we can not be away from each other, woman and man,, but which woman and which man,, this is the quistion which sometimes may be all the times needs an answer!!!

غير معرف يقول...

حلو قوى يا شيماء

noura يقول...

عاجبنى اوى اسلوبك وتفكيرك ...good luck..

noura يقول...

اسلوبك وتفكيرك عاجبنى اوى وكمان كل كلماتك حلوة اوى..

شيماء الجمال يقول...

نورا اشكرك على مرورك الكريم والتفاتك لكلماتى المتواضعه واتمنى ان لا تكون هذه زيارتك الاخيره ومرحبا بك دوما عى صفحاتى دومتى بخير ولكى منى كل الحب والخير
تحياتى
شيماء الجمال

جميله المصرى يقول...

السلام عليكم

كلماتك حلللللللوه اووووووووووووووووى

ربنا يوفقك يارب


بجد بدايه شاعره متألقه وبدايه قويه كمان
ربنا يوفقك يارب

ودمتى بكل خير

أتمنى تشرفينى فى مدونتى

اختك جميله المصرى

شيماء الجمال يقول...

أهلا بيكى جميله والشرف لى انا واشكرك على ثنائك وحالا هكون بمدونتك واتمنى دوما ان اراكى هنا واسعد بتعليقاتك
تحياتى
شيماء الجمال

أحمد الصعيدي يقول...

مابين اتصال مفصول أو انفصال موصول


ربما

ربما

يسمع نداءك


تقبلي مروري

أسعدك الله

حنعيش يعنى حنعيش يقول...

مدونتك حلوة قوى ... باستمتع وانا باقراها ...فيها فعلا نظرة فلسفية للامور ...
دمتم بود

شيماء الجمال يقول...

أحمد الصعيدى نورت الدنيا كلها مش مدونتى بس دومت بكل حب وسعاده
تحياتى
شيماء الجمال

شيماء الجمال يقول...

حنعيش يعنى حنعيش ...
بجد أشكرك على مدحك الكافى فيا وفعلا رفعت من روحى المعنويه حيث ان آرائى قليلا ما بتحوز باعجاب حد ارجو دائما منك التواجد , دمت بكل الحب والموده والتقدير
تحياتى
شيماء الجمال

عبد الرؤوف بن عبدالسلام (أبوهارون) يقول...

بنادى عليك وياريتك بتسمعنى ..هههههه هاني سمعتك
رؤوف

V.Hayat يقول...

انا هنا يا بنت الحلال وكنت هناك ولكن اين انت لاادرى اين انت

تحياتى