الأربعاء، 14 يوليو 2010

إبكى


إبكى
إبكى يا قلبى وفجر كل الدموع
أصرخ وقول انا مجروح موجوع
وطفى بدمعك الغالى كل الشموع
ذنبك انك حبيت والحب بقى شئ ممنوع
والغدر والقسوه بقت عادى وبقى كل شئ مشروع
من كتر الجفا قسيت وبقيت مجروح ممزوع
إبكى يا قلبى . إبكى وطلع من جوه تنهيده
وقول للدنيا انت ليه كده بقيتى عنيده؟؟؟
وأسألها لو جاوبت عليك أسألها وعنيها فى عينيك
أسألها ليه على القفا بتدينى وجروحها معلمه بجبينى
هو انا اللى قالوا عليها ...أن الشقى مكتوب ليها ؟؟؟؟
ولا أنا اللى شالت كل الحرمان والهم وحطته فوقيها ؟؟؟
أنا حلمت واتمنيت وبالقليل والله رضيت
وطريق العيب والغلط عمرى ما فكرت فيه ولا عديت
أنا صبرت واستنيت وقسيت ووفيت وما لقيت
أيوه أنا .....
فكرها يا قبلى لو ناسيه, فكرها وقولها ما تبقاش قاسيه
فكرها انى رغم الوحده لسه مكانى ساكنه كده وراسيه
قولها انى بحلم بالامان ...اللى اتحرمت منه من زمان
قولها ان الحب شئ مشروع وانى مبطلبش شئ ممنوع
وقولها تبعد كلابها عنى ...وتقولهم مالهم ومالى
أنا ببعد عنهم وبخلينى دايما كده فى حالى
وهى سايباهم يطمعوا فى ويلهثوا دايما قدامى
ماهى لو كانت اديتنى أسد !!!كانت الكلاب تبعد وتنسانى
بس فى اخر الزمان باتت الاسود وبقت خرفان
وبقيت متعرفش تامر من لؤى من منى من عبد الله من تنتان
بطلت الاسود تاكل لحمه من بعد ما اتكحلت وأكلت اللبان

شيماء الجمال




هناك تعليقان (2):

كلام حسام يقول...

كمية آسي رهيبة في البوست

غير معرف يقول...

You have a point about what you said , but i would like to add a point which may be not correct 100%, but may be correct,, there is no man good and no man is bad in his bed, but i guess that there is a woman who have the power to make him an excellent one or make him a useless one.