الثلاثاء، 6 أبريل، 2010

بيحب بجد؟؟؟؟

وقال بيقول انه بيحب بجد؟

وانه قبلى لا شاف ولا قابل ولا عرف حد

ورسايل واأغانى وأفلام ملهاش حصر وعد

وأنه صاحب أصل وفصل ورثا كده أبا عن جد

وأنه راجل مش بالكلمه إنما راجل بيحافظ عل العهد

ولما أحتاجه هلاقى ظهر جامد فى المواقف بيسد

بينى وبين نفسى بسمع نخعه وقول بس بس سد سد

تعال بقى نتكلم جد من جد

أنا على قلبى جبل عتيق عمره ما يتهد

ومفاتيحى بسيطه شويه حنيه وأمان وود

وعمرى ما أقابل الحب الصافى بالهجران والصد

أنا بس بخاف وبدارى ووسط الناس بشعر بالبرد

وأنت معايا زيك زى أى حد وكل حد

بعد الحب بيغدر ويخون ويدنن قالوا هان الود

طيب ليه أيدك ممسحتش دموعى وقت الجد

فين الغيره فين اللهفه وليه سياسه جذب وشد

هو الحب وقته بس لما تدوق منى الشهد ؟؟

وما تستحمل شوكى بس تحب تشم الورد

كان فين حضنك وقت كان فيه برق ورعد

وكان فينك وقت كانت الحوجه فيه أشد

وعيونك ما بتشوفنى إلا خصر وكسم ونهد

بالذمه ده أسمه حب بجد؟؟؟

أسكت خليك ساكت وبلاش تضحك عليك حد

ولما تقولى بحبك قبلها أعرف معنى الحب بجد

شيماء الجمال














هناك 3 تعليقات:

غير معرف يقول...

سيدتى صاحبه الاحساس الرومانسى العالى تحياتى لحضرتك ولكن كلماتك تدل على خداع باسم الحب وما اود ان اعلق بيه على كلماتك ان النساء هم من يخدعن نفسهم ودائما يريدون الظهور بدور الضحيه اين الترموتر الخاص بحواء لتعرف من يحبها ومن يلعب بمشاعرها اين احساسها الخارق لتحس من لا ينظر الا لجسمها ومن ينظر الى روحها وعقلها وشخصيتها وايضا الى ادق تفاصيل جسمها سيدتى المرأه هى من اصل الحكايه واذا خدع رجل سيده فقبل ان تلومه فلتلوم نفسها الاول وتقول اين كان لسانى وشجعاتى عندما احسست ان حبه مجرد كلمه لماذا سكت ولم اقول له انك كاذب وانى لا اصدقك واعتقد انها اذا احست انها لا تصدقه فهى لا تحبه ف الاساس

السر يقول...

تحية .. قوية أوي من شيماء الجمال لكل الرجالة اللي تدعي الحب.

ياسر سليم يقول...

هناك حقاً من يظن أن الحب لحظات جميلة تُقضي وفقط
ولا يعلم أنه أيضاً تحمل العناء والكد من أجل من يحب
وهذه في حد ذاتها لها لذة لا يذوقها إلا من جربها