الأربعاء، 26 نوفمبر 2008

الخوف مالينى

الخوف مالينى
فى حضن بلدى والخوف مالينى
ومفيش غير رب العرش يحمينى
من الحرامى والطبيب والمدرس وابن دينى
ولما أستنجد بالشرطى على القفا يدينى
والنظام والحاكم بيسرقنى بدل ما يدينى
وطابور العيش والدويقه والأقسام الوضع يضنينى
إيه مبقاش غير الحزب الوطنى يحيينى؟
لاء مش خلاص ......
لسه كلام عبد الرحمن يوسف بيشجينى
وأنفه وغيره ولاد بلدى وحرارتهم تدفينى
من قسوه الظلم والحكم الديكتاتورى اللى فى الحق بيعرينى
للحريه أتطلع وأتشوق وللعدل الهث بكامل لهفتى وحنينى

ليست هناك تعليقات: