الاثنين، 22 يونيو 2009

شقاوه أنثى


هكذا الدنيا إذا أقبلت....باض الحمام على الوتد

وإذا ادبرت ......بال الحمار على الأسد

وانتى يا حبيبى تعبتنى...... ولقلبك وحبك قاصد تشدنى

دا أنا قلبى ابيض وزى الفل....ليه بتساوينى ما بين الكل

دا انا بصحى وادور على رزقى .....وما بخلى فنفسى ولا جهدى

دا انا جدعه وكلى شهامه.... وبتحدى أجدع رجاله

دا انا شاطره والله ولهلوبه....ودماغى أنشف م الطوبه

استحى يا قلبه وورينى.... واغرف من خيره واعطينى

وبلاش تناكه وتحدى ...وبطل تتقل على قلبى

أنا اصلى عنديه وعصبيه ....وكمان جوايا كتير حنيه

شاور عقلك يابن الناس....وخلى عندك حبه احساس

عقلك دلوقتى فى راسك...وبكره تضرب نفسك بمداسك

اللى فى ايدى ما هوش ليه....وانا ليك والله هديه

دا أنا هبله زى بنات جيلى.....والكلمه الحلوه بترضينى

أنا جذورى من الشرقيه....على الاخلاق متربيه

عايز أتستر عايزه أعيش ....وعمرى ما أقولك ما عنديش

أصلى برضى بقليلى.....وما ببص لجيب غيرى

وعمرى ما طمعت غير فيك......اسمع كلامى ده خير ليك

ولو لفيت الدنيا بحالها ....عمرك ما تلاقى زى فى حنانها

أنا يا بن الحلال خلاص ريحت ضميرى.....وشوف بقى الفرق بينى وبين غيرى

أنت فاكر نفسك إيه......دا أنا الموناليزا يا بيه

قوم أقف وشوف بتكلم مين....بيقولوا على معبوده الملايين

بيشبهوا هيفاء بى .....والاعلام كله أتكلم على

بس وحياه أبوك ....بحبك وبحب اللى جابوك

دا انت حياتى ونور عينى......وهتجوزك وحياه دينى

بس حبيت أمسى عليك....وأرجع البسمه والضحكه ليك

ولما تقلت على يومين....كان لازم تاخد كلمتين

وأشوف أحلى نغذتين .....وأخد منك بوستين

بحبك وبموت فيك....دا أنا كلى والله ليك

هناك 7 تعليقات:

ياسر سليم يقول...

السلام عليكم

دي مجموعة خواطر متراكمة ؟

عامة .. في حجات فيها حكم

وفي حجات فيها شقاوة أنثي

وفي حجات ممكن تتحط فى ظهر العربيات من ورا

زي

أنت فاكر نفسك إيه......دا أنا الموناليزا يا بيه

عامة .. هي شكلها موجهه لحد بيعينه :)

خالص تحياتي

شيماء الجمال يقول...

القارئ العزيز ياسر سليم
أرحب بالنقد واليك هذا البيت
يا قارئ العلم عند الجاهلين خطأ
كمن اضاء شمعا للقوم عمينا
وأحب أن أخبرك أننى حينما أستوحيت هذه المصطلحات والجمل إنما أستوحيتها من واقعنا المعاصر ,فهى كلمات متداوله بين الناس العوام, وهو ما يسمى بالشعر العامى والشعر الغنائى على طريقه الشاعر صلاح جاهين وأحمد فؤاد نجم و عبد الرحمن الأبنودى
وعندما سألو صلاح جاهين عن كلمات أغنيه داليدا وهى (منين يا بلدينا؟, تعالوا نتعرف, أجدع ناس,ورانا إيه وارانا إيه) أجاب بأن هذا ما يقوله الناس على ألسنتهم وهذا أصدق , وهو أصدق وأفضل أنواع الشعر العامى
وأرجو أن تتقبل نقدى بصدر رحب كما تقبلنا نقدك ولنا مبدأ وهو
ألا لا يجهلن أحد علينا فنجهل فوق جهل الجاهلينا
شيماء الجمال

شيماء جمال(شيمو القمر) يقول...

أولا أحب انوه أن مدونتك شقية قوى ومع كلامك اللى فيه بعض الجدية الا انه يضع البسمة على الشفاة

واعترف اعترافا أن الذى شدنى للدخول عندك هو تشابه أسماءنا


بجد وحقيقى كلامك حلو قوى فيه شقاوة وخفة دم قلة ما تجدها عند أحد


تقبلى مرورى
أتمنى التواصل

تحياتى لك
شيمو القمر

شيماء الجمال يقول...

شيمو القمر تحياتى لكى يا جميله وانتى فعلا قمر
وتشابه أسمائنا ده شرف لى وفرصه حلوه انى اتواصل معاكى واتشرف بيكى
تحياتى ونورتى مدونتى

mahasen saber يقول...

عجبتنى قوى المقامه الجميله دى وحوار العتاب والدلع بين الست والراجل

فعلا شقاوة انثى
وساعات فعلا بيبقى الكلام الظريف الاسلوب ده اصدق تعبير عن ما نريد وافضل من الصراخ والضجيج

احييكى واروح اكمل قرايه فى باقى الموضوعات

شيماء الجمال يقول...

الرائعه محاسن
احييك على تقييمك لكلماتى واشكرك على مرورك الكريم وتحياتى لك

Unknown يقول...



شركة تنظيف منازل بالقطيف
شركة تنظيف بالقطيف

شركة تنظيف منازل بالخبر
شركة تنظيف بالخبر

شركة تنظيف خزانات بالاحساء
شركة تنظيف مسابح بالاحساء
شركة تسليك مجاري بالاحساء
شركة شفط بيارات بالاحساء
شركة كشف تسربات المياه بالاحساء

شركة شفط بيارات بالجبيل
شركة مكافحة فئران بالجبيل